“Fransa Prezidentinin son intervüsü bir daha onu göstərir ki, bu ölkə Azərbaycanla Ermənistan arasında danışıqlarda vasitəçi ola bilməz, olmamalıdır! Və bu intervü həm də ondan xəbər verir ki, Praqa danışıqları qətiyyən müsyö Makronun arzuladığı yöndə getməyib. Azərbaycan Prezidenti cənab İlham Əliyev onu da paşinyanlaşdırıb”.
Elchi.az bildirir ki, bu barədə millət vəkili Sahib Alıyev FB hesabında qeyd edib:
“Ona görə də çıldıraraq indi Qarabağın Ermənistanın ürəyində, yəni mərkəzində yerləşməsi haqda coğrafiyadan az-çox anlayışı olan hər kəsdə ən yaxşı halda gülüş doğuran “kəşf”lər edir. Onun daha bir “kəşfi” isə monoetnik , işğalçı Ermənistanın guya sülhlə tolerantlıq uğrunda çarpışması, o üzdən Farnasının sevimlisi olmasıyla bağlıdır ki, bu, hətta hayların özünü belə heyrətləndirib.
Makronun açıqlamalarından qəzəblənən soydaşlarımıza deyirəm ki, narahat olmayın, qoyun, nə qədər istəyir danışsın. Danışdıqca özünü də, ölkəsini də, hətta guya dəstəklədiyi və eks-prezidentləri Köçəryanın təbirincə desək, onsuz da aşağıdan aşağıda olan Ermənistanı da batırır”.
Şayəstə
