Fransa prezidenti Emmanuel Makron sələfləri Nikola Sarkozi və Fransua Ollandla Ukraynadakı vəziyyəti müzakirə edəcək. Elchi.az xəbər verir ki, bu barədə “Europe 1” radiostansiyası məlumat yayıb.
“Makron solun və sağın temperaturunu ölçmək istəyir. “Dövlət başçısı keçmiş prezidentlərlə məsləhətləşmək, onların Rusiyaya münasibətdə hansı davranışa riayət etmələri ilə bağlı diametral əks fikirlərini müqayisə etmək istəyir”, radiostansiyanın materialında qeyd olunur.
Müəlliflər onu da vurğulayırlar ki, bu qərarla Fransa lideri Ukrayna böhranı ilə bağlı daxili siyasi parçalanmaya yol vermədən milli birliyi qorumaq istəyir.
Bundan əvvəl Makron NATO-nun Ukraynaya qoşun göndərməkdən imtina etməsindən sonra qorxaqlığı unutmağa, həmçinin Kiyevə dəstəyi gücləndirməyə çağırıb.
Havar Şəfiyeva
