Fransa prezidenti Emmanuel Makron İŞİD-ə qarşı mübarizə üçün yaradılmış Qərb müttəfiqlərinin koalisiyasının tərkibində Fələstinin radikal HƏMAS qruplaşması ilə mübarizə aparmağı təklif edib. Elchi.az xəbər verir ki, onun sözlərini “Reuters” agentliyi yayıb.
O, İsrailin baş naziri Benyamin Netanyahu ilə birgə mətbuat konfransında deyib: “Fransa üzvü olduğumuz, İraq və Suriyada əməliyyatlarda iştirak etdiyimiz İŞİD-ə qarşı beynəlxalq koalisiyanı genişləndirməyə, həmçinin HƏMAS-a qarşı mübarizə aparmağa hazırdır”.
Bundan əvvəl Fransa prezidentinin Təl-Əvivə həmrəylik səfəri üçün gəldiyi məlum olub. Mətbuatın yazdığına görə, o, təkcə İsrailin baş naziri Benyamin Netanyahu ilə deyil, Fələstin prezidenti Mahmud Abbasla da görüşmək niyyətindədir.
Havar Şəfiyeva
