Fransa prezidenti Emmanuel Makron Ukrayna münaqişəsi kontekstində sülh üçün şərt adlandırıb. Onun fikrincə, Rusiya və Ukrayna arasında sülh qarşılıqlı təhlükəsizlik təminatlarını ehtiva etməlidir.
Elchi.az xəbər verir ki, Fransa lideri bu barədə “X” sosial şəbəkəsindəki səhifəsində məlumat verib.
“Davamlı sülh” və bu, istifadə edilməli olan düsturdur, “Ukraynanın suverenliyinə və ərazi bütövlüyünə hörmətlə yanaşmaqla beynəlxalq hüquqa uyğun olacaq və qarşılıqlı təhlükəsizlik təminatlarını ehtiva edən sülhdür”, – Makron qeyd edib . O, “gec-tez” bu münaqişənin sülh yolu ilə həll ediləcəyini əlavə edib və onun təklif etdiyi formulun üzərində çalışmağa çağırıb.
Fransa prezidentinin sözlərinə görə, münaqişəni təslim olmaq yolu ilə həll etmək olmaz. O vurğulayıb ki, əgər sülh “Ukraynanın məğlubiyyətinə və Rusiyaya həddən artıq güzəştə” əsaslansa, qeyri-sabit olacaq.
Bundan əvvəl Makron Ukraynada “davamlı sülh” üçün daha bir şərtin adını çəkmişdi. O bildirib ki, Krım yarımadası yenidən ölkənin bir hissəsi kimi tanınmalıdır.
Nuranə Məmmədova
