Rusiya Mühəndislər Birliyi Malayziya aviaşirktinə məxsus Boinq 777 təyyarəsinin qəzaya 
uğramasının ehtimala daha yaxın şəraitini öyrənməyə çalışıblar.
Axar.az xəbər verir ki, tərkibində zenit-raket komplekslərinin tətbiqində təcrübəsi olan ehtiyatdakı zabitlərin, dağıdıcı aviasiya vasitələrinin tətbiqində püxtələşmiş təyyarəçilərin, hərbi mühəndislərin, xüsusi əməliyyatların aparılmasında ixtisaslaşmış zabitlərin də iştirak etdiyi ekspert qrupu təkcə fəlakətin səbəblərini araşdırmayıb, həm də “Boinqin məhv edilməsində məhz kimlər iştirak edib?” – sualına cavab verməyə cəhd ediblər. Təhqiqatın materialları «URA.Ru»ya təqdim edilib. Rusiya Mühəndislər Birliyi dünya miqyaslı bu fəlakətə münasibət bildirməyi və öz ekspert rəyini təqdim etməyi özlərinə borc biliblər. 16 səhifəlik sənəddə baş verən faciənin iki versiyası sərgilənir: Boinq 777 raket-zenit kompleksi – məsələn, «Бук-М1» tipli – tətbiqi nəticəsində məhv edilib və ya laynerin qəzası digər təyyarədən açılan raket-top atəşi nəticəsində baş verib.
