Meksikada arxeoloqlar qrupu Yukatan yarımadasındakı meşəlik ərazidə qədim Maya şəhərinin qalıqlarını aşkar ediblər. Qədim şəhərin hər tərəfinə səpələnmiş çoxlu sayda silindrik daş sütunlara görə maya dilində daş sütun mənasını verən ‘Ocamtun’ adı verilmişdir.
Elchi.az xəbər verir ki, Meksika Milli Antropologiya və Tarix İnstitutundan (INAH) verilən açıqlamaya görə, arxeoloq “İvan Sprajc”ın rəhbərlik etdiyi tədqiqat qrupu Yukatan yarımadasındakı Kampeçe əyalətindəki Balamku qoruq ərazisində qədim Maya sivilizasiyasının qalıqlarını aşkar edib.
Aşkar edilmiş qədim şəhərin hər yerinə səpələnmiş çoxlu sayda silindrik daş sütunlara görə şəhər maya dilində daş sütun mənasını verən “Ocamtun” adlandırılmışdır. Qalıqlar INAH Arxeoloji Şurası tərəfindən təsdiq edilmiş “Mərkəzi Maya düzənliklərinin arxeoloji panoramasının genişləndirilməsi” layihəsi çərçivəsində aparılan çöl işləri nəticəsində tapılıb. 50 hektardan çox ərazini əhatə edən qədim şəhər bir neçə möhtəşəm tikiliyə, o cümlədən hündürlüyü 15 metrdən çox olan piramidaya bənzər bir neçə tikiliyə malikdir.
Bəyanatda arxeoloq İvan Şprajc məsələ ilə bağlı şərhləri də yer alıb. Şprajc bildirdi ki, bu yer Klassik dövrdə mühüm regional mərkəz rolunu oynamışdır. Bununla belə, bu materialdan nümunələrin təhlili bizə yerləşdirmə qaydası haqqında daha etibarlı məlumatlar verəcəkdir.
Nuranə Məmmədova
