ABŞ-ın Pensilvaniya ştatında avtomobil evin ikinci mərtəbəsinə daxil olub. Ştat polisi bildirib ki, avtomobil qəza nəticəsində deyil, qəsdən ikinci mərtəbəyə çırpılıb.
Elchi.az xəbər verir ki, səlahiyyətlilərə bazar günü yerli vaxtla saat 15:15 radələrində avtomobilin iki mərtəbəli evə çırpıldığı xəbəri gəlib.
Əraziyə gələn Junction Fire Company adlı yanğınsöndürənlər avtomobilin binanın ikinci mərtəbəsində asılı vəziyyətdə olduğunu görüblər.
Avtomobil evdən çıxarılarkən təcili yardım briqadaları binanın çökməsinin qarşısını almaq üçün onu gücləndirib. Fırtına əraziyə yaxınlaşdıqda ev sahiblərinə köməklik göstərilib və brezent açıq hissəyə çəkilib.
“New York Post”un məlumatına görə, avtomobildən özü çıxan sürücü xəstəxanaya aparılıb. Evdəkilərin xəsarət almadığı açıqlanıb.
Yanğınsöndürənlərin bildirdiyinə görə, evin qarajının qarşısındakı maneəyə dəyən avtomobil havaya atılıb.
Şayəstə Hüseynova
