Meksikada silahlı hücumlara yenisi əlavə edilib. Ölkənin cənubunda və qərbində baş verən iki silahlı hücum nəticəsində 11-i polis olmaqla 16 nəfər həyatını itirib.
Elchi.az xəbər verir ki, silahlı hücumda polis rəisi də daxil olmaqla 11 polis məmuru həyatını itirib.
İkinci hücumda isə Miçoakan əyalətinin Takambaro qəsəbəsində 5 nəfər ölüb, 2 nəfər yaralanıb.
Hücumun narkotik dəstələri tərəfindən həyata keçirildiyi təxmin edilir.
Sosial şəbəkələrdə yayılan videolarda polisə pusqu quran silahlı qrupun 3 mikroavtobusla hadisə yerindən qaçdığı görünür.
Hücumlardan sonra hərəkətə keçən təhlükəsizlik qüvvələri genişmiqyaslı əməliyyata başlayıb.
Nuranə Məmmədova
