İtaliyanın baş naziri “Giorgia Meloni” Almaniyanın Aralıq dənizində qeyri-qanuni immiqrantlar üçün xilasetmə əməliyyatları həyata keçirən qeyri-hökumət təşkilatlarını (QHT) sərt şəkildə tənqid edərək, “Başqalarının sərhədlərində həmrəylik nümayiş etdirə bilməzsiniz”-deyib.
İtaliya ilə Almaniya arasında qeyri-qanuni mühacirlərə görə gərginlik davam edir. Nəhayət, İtaliya lideri Meloni məsələ ilə bağlı Almaniya hakimiyyətini sərt şəkildə tənqid edib.
Elchi.az xəbər verir ki, Avropa Birliyinə (Aİ) üzv olan və daha çox Aralıq dənizi ilə həmsərhəd olan 9 Cənubi Avropa ölkəsinin (EU-MED9) liderlərinin Maltanın paytaxtı Vallettada bir araya gəldiyi sammitə qatılan Meloni açıqlama verib.
Meloni, miqrasiyanın gündəmin əsas mövzusu olduğu MED9 sammitində məsələ ilə bağlı mövqelərini açıqladıqlarını ifadə edərək deyib: “Mənə elə gəlir ki, bu məsələ ilə ciddi, konkret və sürətlə məşğul olmaq istəyi var. Görün mən özüm bu vəziyyəti necə görürəm və İtaliya nələrə məruz qalır”. “Mən onun təsirindən danışdım. Görüş burada iştirak edən ölkələr tərəfindən tam şəkildə paylaşılan yaxınlaşmanın bir hissəsi kimi bunun ətrafında gedir”-deyib.
Meloni Aİ daxili işlər nazirlərinin dünən Belçikanın paytaxtı Brüsseldə keçirilən iclasında müzakirə edilən və İtaliyanın vaxt tələbi ilə razılaşdırıla bilməyən yeni “Miqrasiya və sığınacaq haqqında Saziş”lə bağlı da bunları qeyd edib:
“Dünən kansler (Olaf) Şolzla görüşdüm. Almaniya bəzi dəyişikliklərlə gəldi. Xüsusilə QHT-lərə gəldikdə, bu, bizim üçün geri dönüş deməkdir. Ona görə də vaxt istədik. Biz dünən belə bir qərar qəbul edə bilmədik (Miqrasiya və Sığınacaq Müqaviləsi ratifikasiyası).”
Baş nazir Meloni həmçinin bildirib ki, qeyri-qanuni miqrasiya və ticarətlə mübarizə çərçivəsində iyulun 16-da Tunis ilə AB arasında imzalanan anlaşma memorandumu çərçivəsində nəzərdə tutulan Aİ yardımının ilk tranşı gələn həftə Tunisə göndəriləcək.
Bu arada Meloni MED9 sammiti çərçivəsində Fransa prezidenti Emmanuel Makron və AB Komissiyasının sədri Ursula fon der Leyen ilə də üçtərəfli görüş keçirib.
Roma-Berlin xəttində gərginlik
Almaniya, Roma administrasiyasının Dublin Konvensiyasından irəli gələn öhdəliklərini yerinə yetirməməsi səbəbindən könüllü olaraq immiqrant qəbulu ilə bağlı razılaşmanı dayandırdı, İtaliya isə xüsusilə 11-17 sentyabr həftəsi ərzində Lampeduza adasında miqrant böhranı ilə üzləşdi.
Bu qərardan sonra Almaniya İtaliyanın reaksiyasına səbəb olan daha bir addım atdı və Aralıq dənizində qeyri-qanuni mühacirləri xilas edən QHT-lərə maddi dəstək vermək qərarına gəldiyini açıqladı.
İtaliyanın baş naziri Giorgia Meloni sentyabrın 23-də alman həmkarı Olaf Şolza məktub göndərərək, bu qərardan “təəccübləndiyini” bildirib.
İtaliyanın xarici işlər naziri Antonio Tajani və Almaniyanın xarici işlər naziri Annalena Berbok sentyabrın 28-də bu məsələni müzakirə etmək üçün Berlində görüşüblər.Birgə mətbuat konfransında Tajani bildirib; O, insan həyatının xilas edilməsinin vacib olduğunu və heç kimin QHT-lərə qarşı olmadığını, lakin ölkəsinin “qanunsuz mühacirləri cəlb edən maqnit”ə çevrilməməli olduğunu bildirib.
Berbok da təsdiqləyib ki, ölkəsi bu gün Brüsseldə keçirilən görüşdə son bir neçə saat ərzində aparılan gərgin danışıqlarda bəzi məqamları kompromisə daxil edib.
Nuranə Məmmədova
