İyunun 8-də Belarus Respublikası Təhlükəsizlik Şurasının dövlət katibi Aleksandr Volfoviçin sədrliyi ilə Minskdə Kollektiv Təhlükəsizlik Müqaviləsi Təşkilatının (KTMT) Təhlükəsizlik Şurası katiblərinin iclası keçiriləcək.
Elchi.az Armenpress.am-a istinadən xəbər verir ki, iclasda KTMT-nin baş katibi İmanqali Tasmaqambetov iştirak edəcək. Bu barədə KTMT-nin mətbuat katibi Vladimir Zaynetdinov məlumat verib.
İclas iştirakçıları KTMT-yə üzv dövlətlərin təhlükəsizliyinə çağırış və təhdidləri, onların zərərsizləşdirilməsinə yönəlmiş tədbirləri müzakirə edəcəklər.
Sessiya zamanı KTMT-nin regional “Nayomnik” antiterror əməliyyatının həyata keçirilməsi, KTMT-nin kollektiv təhlükəsizlik sisteminin komanda və nəzarət orqanlarının və qüvvə vasitələrinin formalaşdırılması və digər sənədlərin müzakirəsi nəzərdə tutulub.
Yeganə
