Radikallar 500 polis və hərbçi öldürüb
“Reuters”in Qahirədən verdiyi xəbərdə deyilir ki, Misir məhkəməsi 7 mücahid haqqında ölüm hökmü çıxarıb. Ölümə məhkum olunanlar arasında məşhur mücahid Adil Habara da var. Onlar ötən il Misir-İsrail sərhəddi yaxınlığında 25 nəfər polis nəfərini öldürməkdə ittiham olunurlar.
Sözügedən hücum 2013-cü ilin avqustunda baş verib. O vaxt hökumət Qahirədəki meydanları prezident Məhəmməd Mursinin tərəfdarlarından təmizləməyə çalışırdı.
Bütünlükdə isə Misir məhkəməsi 25 nəfər haqqında qərar çıxarıb. Digərlər müttəhimlərsə 15 il iş alıb. Məhkəmədə hökm çıxarılan 25 nəfərdən yalnız 19 nəfəri müttəhim kürsüsündə olub.
Ötən yaydan indiyə qədər Misirdə islamçılar tərəfindən 500 nəfərdən çox polis və hərbçi öldürülüb. Bu barədə Misir hökumətindəki rəsmi mənbələr məlumat yayıb.
Misir prezidenti Əbdül Fəttah əl-Sisinin rəhbərlik etdiyi hökumət radikal islamçılarla “Müsəlman Qardaşları” təşkilatı arasında heç bir fərq qoymur. Ancaq “İslam Qardaşları” dinc etirazlara üstünlük verdiyi halda, radikal islamçılar silahlı mübarizəyə meyllidir. Bu məqam da “Reuters”in xəbərində vurğulanır.
