Milli Şuranın 12 oktyabr mitinqində İŞİD bayrağını qaldıran Ramin Quliyevlə bağlı aznews.az-a yeni məlumat daxil olub. Ramin Quliyv Əbu-Bəkir məscidinin imamı Qamət Süleymanovun qaynıdır. Onun daim Qamət Süleymanovun yanında olduğu, ona köməklik göstərdiyi bildirilir.
Məsələ ilə bağlı danışan Qamət Süleymanov informasiyanı təsdiqləyib:
“Ramin heç vaxt mitinqlərə getmir, onun Facebook dostu Ramini mitinqə dəvət edib. Mən onunla söhbət etdim. Ramin mənə bildirdi ki, o, yerdə Allah kəlamı yazılmış bayraq görüb və onu ayaq altından götürmək istəyib. Bu zaman polislər onu ərazidən kənarlaşdırıb”.
Qeyd edək ki, Ramin Quliyev açıqlamasında bayrağı ona tanımadığı bir şəxsin verdiyini demişdi. Onu da bildirək ki, sələfi təriqətinə görə, hakimiyyətə qarşı çıxmaq, mitinqlərə qatılmaq haram sayılır.
