Ermənistan tərəfindən Dağlıq Qarabağın “müstəqilliyinin” tanınması mümkünlüyünü Rusiyaya qarşı hünər kimi qiymətləndirmək olar. Musavat.com-un məlumatına görə, bu sözləri Ukraynanın “QORDON” nəşrinə açıqlamasında tanınmış rusiyalı tarixçi və publisist Andrey Piontkovski İrəvanın separatçı qurumu tanıma təxribatına münasibət bildirərkən deyib.
“Əgər söhbət Ermənistan tərəfdən birtərəfli qaydada tanınmaqdan gedirsə – axı, başqa heç kim onu tanımağa hazırlaşmır, – bu, İrəvanın Moskvaya qarşı çıxmaq cəsarəti demək olacaq” – analitik deyib.
Onun sözlərinə görə, ermənilər Rusiyanın bir çox hərəkətlərinə, o cümlədən Kremlin Bakını silahla təchiz elədiyinə görə ondan narazıdır. “Budur indi onlar bir azca uduzan kimi barmaq qıcadılar. Cavabında isə Moskva onlara təpindi…” – Piontkovski qeyd edib.
Politoloq hesab edir ki, hər iki tərəfə təsir rıçaqı olan Rusiya situasiyanı sərt şəkildə nəzarətdə saxlayır. “Moskva bu konfliktin bacardıqca uzun müddət qalmasında maraqlıdır” – rusiyalı analitik əlavə edib.
