Moskvadakı Türkiyə səfirliyinə atəş açan Artur Mirzoyan 2 il müddətinə azadlıqdan məhrum edilib. Musavat.com-un Rusiya qaynağına istinadən verdiyi məlumata görə, erməni öz cəzasını məntəqə tipli cəzaçəkmə müəssisəsində çəkəcək.
“Biz bu hökmdən apelyasiya şikayəti verəcəyik” – deyib müttəhimin vəkili Georgi Şatvoryan.
Xatırladaq ki, Artur Mirzoyan ötən il avqustun 18-də qoşalülə tüfəngdən Türkiyə səfirliyinin binası önündə asılmış və Türkiyənin gerbi olan tabloya atəş açmışdı. İnsident nəticəsində heç kim xəsarət almamış, xuliqan isə həbs edilmişdi.
Məhkəmədə Mirzoyan öz günahını etiraf edib.
