Reyslərin eyni vaxtla bir gün sonra uçuşu nəzərdə tutulub
Əlverişsiz hava şəraiti ilə əlaqədar olaraq Moskvaya gələn və Moskvadan çıxan onlarla reys ləğv olunub.
ANS PRESS-in məlumatına görə, ləğv olunanlar arasında Moskvanın Şeremetyevo aeroportundan Bakıya uçacaq iki reys də var.
Bakı vaxtı ilə 02:10-da Şeremetyevo aeraportundan Bakının Heydər Əliyev aeraportuna uçacaq SU1852 və 09:15-də uçacaq SU1853 reysləri ləğv olunub. hava limanının saytında reyslərin eyni vaxtla bir gün sonra uçuşu nəzərdə tutulduğu qeyd olunub.
Ümumilikdə isə Moskvanın Şeremetyevo və Domodedovo aeroportundan 28 reysin gəlişində, 61 reysin isə uçuşunda ləngimələr olub. 39 təyyarə aeroporta eniş edə bilməyib, 12 təyyarə isə uçuş həyata keçirə bilməyib.
Rusiya FHN-nin məlumatına görə çərşənbə axşamına keçən gecə Moskvada hava yağıntılı, leysan və ildırımlı olub. Küləyin sürəti saniyədə 17-19 metrə çatıb.
