Milli Təhlükəsiz Nazirliyində ixtisarlar davam edəcək.
Bunu milli təhlükəsizlik nazirinin birinci müavini, nazir vəzifəsini icra edən, general-leytenant Mədət Quliyev bildirib. Nazir əvəzi qeyd edib ki, son vaxtlar MTN-də boş qalan vəzifələrə hələlik yeni təyinatlar aparılmayıb.
`Nazirlikdə ixtisarlar davam edəcək, yenidən təşkilolunma aparılacaq. Çünki MTN əməkdaşları sayca az olmalı və işini operativ şəkildə qurmalıdır. Müəyyən nöqsanlara yol verdiyinə görə 250 nəfərə yaxın əməkdaş MTN sıralarından xaric edilib. Biz düşünürük ki, MTN operativ və çevik olmalıdır`.
M. Quliyev həmçinin qeyd edib ki, əvvəllər müxtəlif səbəblərə görə vəzifədən kənarlaşdırılan bacarıqlı əməkdaşlar yenidən xidmətə cəlb edilir. O, MTN-də baş verənlərlə bağlı başlanmış cinayət işinin gedişindən də danışıb:
“Hazırda cinayət işi davam etdirilir və orda adı keçən fiqurlar təbii ki, günahı sübuta yetirilərsə, həbs ediləcəklər. Bu işdə kim qanunu pozubsa, qanun qarşısında cavab verəcək”.
