Amerika müsəlmanları Orlandoda hücumu pisləyib və ABŞ gey-parada dəstək olduğunu bildiriblər.

“RİA Novosti” xəbər verir ki, bunu ABŞ – İslam münasibətləri Şurasının rəhbəri (Council on American-Islamic Relations, CAIR) Nihad Avad keçirdiyi mətbuat konfransında bildirib.

“Biz baş verənləri pisləyirik. Bu müsəlman və amerikalı olaraq bizim sadiq olduğumuz prinsiplərə ziddir”, – deyə müsəlmanların maraqlarını qoruyan ən böyük hüquq müdafiə təşkilatının rəsmisi bildirib.

Avad vurğulayıb ki, uzun illər boyu seksual azlıqların nümayəndələri müsəlman birliyini dəstəkləyərək ABŞ-da İslam dinin marginallaşdırılmasına qarşı çıxıblar.

“Bu gün biz çiyin-çiyinə dayanmışıq”, – deyən Avad vurğulayıb ki, artıq birləşmək vaxtı çatıb.

Xatırladaq ki, ABŞ-ın Florida ştatının Orlando şəhərində gecə klubunda törədilən terror aktı nəticəsində 50 nəfər ölüb, 53 nəfər yaralanıb.