Rusiya Federasiyası Xarici Kəşfiyyat Xidmətinin direktoru Sergey Narışkin bildirib ki, Qərb ölkələri Rusiyanın Ukraynada xüsusi hərbi əməliyyatda qaçılmaz qələbəsini tanımalı olacaq. Elchi.az bu barədə RİA Novosti-yə istinadən xəbər verir.
“Amerikalılar və avropalılar, əvvəllər Qərbdə dedikləri kimi, Moskvanı strateji məğlubiyyətə uğratmağa çalışırlar. Lakin yerlərdə vəziyyətin real inkişafı belə arzuların açıq-aşkar mümkünsüzlüyünü göstərir”, – deyə o bildirib və əlavə edib ki, silah və hərbi texnikanın göndərilməsi bu halda Kiyevə kömək etməyəcək.
Narışkin əvvəllər bəyan edib ki, ABŞ Mərkəzi Kəşfiyyat İdarəsinin əməkdaşları Rusiyadan kənarda virtual “Rusiya Respublikası” yaradırlar.
Havar Şəfiyeva
