Türkiyəli narkobaron Əli Əkbər Akgünün ölümü ilə bağlı dindirilən Atilla Öndər mərhumla aralarında bir ədavət olmadığını qeyd edib.
Musavat.com-un Türkiyə mətbuatına istinadən verdiyi məlumata görə, Akgünün də 20 nəfərlik ölüm siyahısı hazırladığı üzə çıxıb.
Dekabrın 24-də İstanbulda öldürülən Əli Əkbər Akgünün cinayəti ilə bağlı istintaq davam etdirilir. Polislər “Bentley” markalı maşınında güllələnərək öldürülən “Kimyagər Əli” ləqəbli narkotik baronu Ə.Ə.Akgünü öldürən iki nəfərin izini axtarır. İndiyə qədər 20-ə yaxın şübhəlinin ifadəsi alınıb. Bunlardan biri də Hollandiya mətbuatının şübhəli qismində göstərdiyi Atilla Öndər olub.
Hollandiya mətbuatı Atilla Öndərin 2007-ci ildən mərhumu təhdid etdiyini qeyd edib. İki saatdan çox ifadə verən A.Öndər mərhumla ədavəti olmadığını keçmişdə baş verən bəzi məsələlər səbəbindən adının çəkildiyini qeyd edib.
Öndər deyib: “Ailəmlə birlikdə Türkiyədə yaşayıram. Cinayyətlə heç bir əlaqəm yoxdur. Akgün ilə şərik də deyildim. O, Hollandiyada böyük pullar qazandı, Hollandiya mafiyasına girdi”.
Atilla Öndər İstanbulda küçənin ortasında öldürülən Sedat Şahinin qardaşı məşhur kriminal avtoritet Sedat Şahinlə də bir ədavəti olmadığını bildirib.
