NASA, SpaceX-in Falcon 9 raketi ilə Beynəlxalq Kosmik Stansiyaya təxminən 4 ton yük daşıyan Northrop Grumman-ın NG-20 Cygnus robotik təchizat kosmik gəmisini kosmosa göndərdi.
Elchi.az xəbər verir ki, ABŞ Aeronavtika və Kosmik Agentliyi (NASA) Beynəlxalq Kosmik Stansiyaya 4 tona yaxın yük göndərib.
Elmi tədqiqat alətləri, avadanlıq və ekipaj ləvazimatlarını daşıyan Northrop Grumman-ın NG-20 Cygnus robotik təchizat kosmik gəmisi ABŞ-ın Florida ştatındakı Cape Canaveral Kosmik Qüvvələri Stansiyasından SpaceX Falcon 9 raketi ilə uğurla buraxılıb.
Buraxılış Northrop Grumman-ın Beynəlxalq Kosmik Stansiyaya 20-ci kommersiya tədarük missiyası kimi qeydə alınıb.
Falcon 9 raketi NG-20 Cygnus robotik tədarük kosmik gəmisindən ayrıldıqdan sonra Yerə qayıdıb.
Nuranə Məmmədova
