NATO-nun illik nüvə təlimi Steadfast Noon gələn həftə baş tutacaq. Elchi.az Ria Novostiyə istinadən xəbər verir ki, belə şərtləri Şimali Atlantika Alyansının baş katibi Yens Stoltenberq alyans ölkələrinin müdafiə nazirlərinin Brüsseldə keçirilən görüşündə bildirib.
“Nüvə qüvvələrimiz çəkindirmə üçün vacibdir. Gələn həftə biz hər ilin oktyabr ayında keçirilən “Steadfast Noon” adlı illik təlimimizi keçirəcəyik”, – deyə Stoltenberq bildirib.
Baş katib aydınlaşdırıb ki, bu dəfə təlimlər İtaliya, Xorvatiya və Aralıq dənizində baş tutacaq.
Bundan əvvəl Rusiyanın xarici işlər naziri Sergey Lavrov ABŞ və NATO müttəfiqləri arasında keçirilən birgə təlimlər seriyasını görünməmiş silsilə adlandırıb. O xatırladıb ki, təlim Rusiya ərazisində nüvə silahının tətbiqi ilə bağlı ssenarilərin işlənməsini əhatə edir.
Havar Şəfiyeva
