Rusiya NATO müttəfiqlərinin təhlükəsizliyinə ən ciddi təhdiddir .
Elchi.az xəbər verir ki, bu barədə alyansın Vilnüsdə keçirilən sammitinin birinci gününün yekunlarına dair dərc olunmuş kommünikedə deyilib.
Sənəddə deyilir ki, Moskva Avropanın sabit təhlükəsizlik nizamına töhfə verən prinsip və normaları pozub.
“Rusiya Federasiyası müttəfiqlərin təhlükəsizliyinə, Avro-Atlantik regionda sülh və sabitliyə ən ciddi və birbaşa təhdiddir”, – kommünikedə deyilib.
Həmçinin sənəddə NATO liderləri qeyd ediblər ki, alyans Rusiya ilə qarşıdurmaya can atmır. Blok ölkələrində Moskva üçün təhlükə yaratmadıqlarını əmin etdilər, lakin Rusiya hakimiyyətinin yürütdüyü siyasətə görə onu tərəfdaş hesab edə bilməzlər.
Nuranə Məmmədova
