İsrailin Baş naziri Benyamin Netanyahu bildirib ki, İsrail Ukraynaya silah tədarükü məsələsini öyrənir.
Elchi.az xəbər verir ki, Netanyahuya Fransanın LCI telekanalına müsahibəsi zamanı ondan Təl-Əvivin Ukraynaya silah ötürmək imkanı və hazırlığı barədə sual verilib.
Baş nazirin sözlərinə görə, onun hökuməti hazırda məsələni öyrənmək mərhələsindədir və öz milli maraqlarını rəhbər tutacaq. O, xatırladıb ki, əvvəlki hökumət də məsələni araşdırıb və hərbi təchizatdan imtina edib, lakin o, bunu təkbaşına həll etmək niyyətindədir.
“Biz Ukraynanın tərəfindəyik. Bu məsələni milli maraqlarımıza uyğun olaraq öyrənirik”,-deyə Netanyahu bildirib.
Xatırladaq ki, bundan əvvəl “The Times of Israel” öz mənbələrinə istinadən yazıb ki, Netanyahu Fransa prezidenti Emmanuel Makrona Ukraynanı hərbi vəsaitlə təmin edəcəyinə söz verib.
Yeganə
