İsrailin keçmiş baş naziri Ehud Olmert, varisi Netanyahunun milli təhlükəsizlikdəki uğursuzluğuna görə “emosional çökdüyünü” deyib və Qəzzanı işğal etmək planını “yanlış hesablama” kimi qiymətləndirib.
Elchi.az xəbər verir ki, Amerikanın Politico xəbər saytından Ceymi Dettmerə müsahibə verən Ehud Olmert, Netanyahunun oktyabrın 7-də HƏMAS hücumlarında milli təhlükəsizliyi qoruya bilmədiyi üçün vəzifəsindən uzaqlaşdırılmamağa çalışarkən “əsəb böhranı” keçirdiyini iddia edib.
İsrailin strateji yoldan getdiyini bildirən Olmert, prioritetin Qəzzaya tam hərbi nəzarət yaratmaqdansa, Fələstin dövlətinin yaradılmasını nəzərdə tutan beynəlxalq ictimaiyyətlə danışıqlara qayıtmaq üçün danışıqlar aparmaq olduğunu bildirib.
Netanyahunun baş nazir olduğu hər dəqiqənin İsrail üçün təhlükə olduğunu deyən Olmert, “Amerikalıların onun pis vəziyyətdə olduğunu anladığına əminəm”-ifadəsini işlədib.
“Politico”ya açıqlama verən İsrailin keçmiş baş naziri Ehud Barak da “Avropa ictimai rəyini itiririk. Bir-iki həftədən sonra biz Avropa hökumətlərini itirməyə başlayacağıq”-deyib.
Digər tərəfdən, israilli hərbi ekspert Amos Harel Qəzzadakı vəziyyətin “Netanyahunun “fövqəladə uğur” kimi çəkdiyi mənzərədən daha mürəkkəb olduğunu” ifadə edərək, HƏMAS-ın gücünün tamamilə məhv edilə bilməyəcəyini, ancaq parçalana biləcəyini bildirib .
