Nigeriya təhlükəsizlik qüvvələri 178 nəfəri “Boko Haram” qruplaşmasının girovluğundan azad edib.
APA-nın BBC-yə istinadən verdiyi xəbərə görə, bu barədə Nigeriya təhlükəsizlik qüvvələrinin yaydığı bəyanatda deyilir.
Bəyanata əsasən, azad edilənlərin 101-i uşaq, 67-si qadın, 10-u kişidir. Həmin şəxslər arasında 2014-cü ilin aprelində Çibokdakı məktəbdən qaçırılan qızların olub-olmadığı barədə məlumat verilmir.
Həmçinin məlum olub ki, əməliyyat zamanı “Boko Haram” qruplaşmasının səhra komandirlərindən biri əsir götürülüb. Nigeriyalı hərbçilərin terrorçuların bir neçə düşərgəsini məhv etdikləri də bildirilir.
Qeyd edək ki, “Boko Haram” qruplaşması 2014-cü ildən indiyədək 5500 mülki şəxsin ölümünə səbəb olub. “Amnesty İnternational”ın məlumatına görə, bu vaxtadək azı 17 min nəfər terrorçuların hücumlarının qurbanı olub.
