Türkiyənin 8-ci Prezidenti Turqut Özalın ölümü ilə bağlı daha bir iddia ortaya çıxıb.
“Odatv.com” saytı xəbər verir ki, jurnalist Can Dündar Turqut Özalın ölümünə həsr olunan “Bir sui-qəsdin anatomiyası” adlı sənədli filminin yayımlanmasından sonra ona naməlum şəxs tərəfindən zəng edildiyini və özündə Turqut Özalın həyat yoldaşı Semra Özala aid şəxsi fotoşəkillər olduğunu, onları satmaq istədiyini bildirdiyini qeyd edib.
Jurnalistin iddiasına görə, ona zəng edən naməlum şəxs Özalın ölümünə məhz əlindəki fotoşəkillərin səbəb olduğunu deyib.
