Layner uçuş hava limanına qayıdıb.
Elchi.az xəbər verir ki, uçuş zamanı Praqadan Nyu-Yorka uçan Delta Hava Yollarına məxsus təyyarənin mühərrikində nasazlıq yaranıb. Təyyarənin havaya qalxmasının videosunu Aviaincident Telegram kanalı yayıb.
Xəbər verdiyimiz kimi, hər şey ötən cümə günü, sentyabrın 1-də baş verib. Videogörüntülərdə havaya qalxandan dərhal sonra sağ mühərrikin təyyarədə alov aldığını, bundan sonra ondan qara tüstünün çıxdığını görə bilərsiniz.
Pilotlar bir dairə quraraq uçuş hava limanına qayıtmağa qərar verdilər. 30 dəqiqədən sonra layner Çexiya paytaxtının hava limanına enib.
Enişin uğurlu olduğu, sərnişinlərdən heç birinin xəsarət almadığı, təyyarənin fövqəladə xidmətlər tərəfindən qarşılandığı bildirilir.
Şayəstə Hüseynova
