ABŞ prezidenti Barak Obama 17 günlük məzuniyyətə gedib. Musavat.com xarici qaynağa istinadən xəbər verir ki, Amerika lideri istirahətini Massaçusets ştatındakı Martas-Vinyard kurortunda (Atlantik okeanında ada) keçirəcək.
Məlumata görə, Ağ Ev başçısı məzuniyyətə xanımı və kiçik qızı ilə gedib. Onları prezidentin milli təhlükəsizlik məsələləri üzrə müşaviri Süzan Rays və Ağ Evin böyük müşaviri Valeri Carrett müşayiət edir.
Prezident ailəsi 12 milyon dollar dəyəri olan 7 yataq otaqlı, 4 hektar ərazidə yerləşmiş villada yaşayacaq.
Qeyd edək ki, Obamanın 17 günlük istirahəti orta statistik amerikalının məzuniyyətindən 4 dəfə uzundur. Qanunlara görə, işləyən ABŞ vətəndaşı ildə 16 ödəncli iş günü istirahət hüququna malikdir. Bununla belə, sorğulara əsasən, yalnız 25% vətəndaş bu hüquqdan istifadə edir. Yerdə qalanların məzuniyyəti isə cəmi 4 gün çəkir.
