“ABŞ Böyük Britaniya xalqının ölkənin Avropa İttifaqından çıxması qərarına hörmət edir”.
“RİA Novosti”nin verdiyi məlumata görə, bunu ABŞ prezidenti Barak Obama bəyan edib.
O qeyd edib ki, ölkəsinin Böyük Britaniya ilə xüsusi münasibətləri davam edir: “Britaniyanın NATO üzvlüyü ABŞ-ın xarici siyasəti, təhlükəsizliyi və iqtisadiyyatı üçün mühüm əhəmiyyət kəsb edir”.
Qeyd edək ki, Böyük Britaniyada keçirilən referendumun yekun nəticələri elan edilib. Yekun nəticələrə əsasən, `Brexit`in lehinə 51,9 faiz səs verilib.
“Avropa İttifaqından çıxmağın lehinə 17 milyon 410 min 742 seçici səs verib. İttifaqın tərkibində qalmağın lehinə isə 16 milyon 141 min 241 səs verilib”, – rəsmi məlumatda qeyd edilib.
