ABŞ prezidenti Barak Obama Parisdəki terror hücumlarıyla əlaqədar olaraq xəbərdarlıq edib.Musavat.com Türkiyə mediasına istinadən xəbər verir ki, ABŞ prezidenti deyib: “Fransa səlahiyyətlilərin peşəkarlığı sayəsində bir təhdidin sona çatdığına ümid edirik, amma Fransa hökuməti terror təhdidiylə qarşı-qarşıya qalmağa davam edəcək və tətikdə qalmağı davam etdirməlidir”.
Tennessi ştatında olan Obama hücumun əvvəlindən etibarən Fransa ilə yaxın təmasda olduqlarını ifadə edib və bütün ABŞ təhlükəsizlik güclərinə, terrorla mübarizə qruplarına Fransaya əllərindən gələn hər bir dəstəyi vermək barədə göstəriş verdiyini qeyd edib.
Fransa prezidenti Fransua Ollanda Fransa xalqını qorumaq üçün nə lazımdırsa edəcəklərini bildirən Obama deyib ki, Fransa ABŞın köhnə müttəfiqidir: “Fransa xalqının bilməsini istəyirəm ki, ABŞ olaraq bu gün də, gələcəkdə də sizlərin yanında olacağıq, dualarımız sizlerlədir. Dəyərlərimizi, bizi dost və müttəfiq olaraq bir-birimizə bağlayan universal dəyərləri ayaqda tutmaq üçün sizlərlə birlikdə mübarizə edəcəyik”.
Gülnar
