15 və yuxarı yaşlı əhalinin hər 1000 nəfərindən 972 nəfəri ali, orta ixtisas və orta təhsilə malikdir. Əhalinin hər 10000 nəfərinə ali təhsil müəssisələrində tələbələrin sayı 200 nəfərdir, orta ixtisas təhsili müəssisələrində 63 nəfərdir.
Elchi.az xəbər verir ki, bunu Təhsil Tələbə Krediti Fondunun icraçı direktoru Araz Paşayev mətbuat konfransında deyib. Onun sözlərinə görə, bütün əyani təhsil alan tələbələrin 59,5% ödənişli təhsil alır:
“O cümlədən bakalavriat səviyyəsi üzrə 58,5%, magistratura səviyyəsi üzrə 62.8% və subbakalavriat səviyyəsi üzrə 61% ödənişli təhsil alır”:
“Əyani formada ödənişli təhsil alan tələbələrin 13,8 faizinin və ya 20200 nəfərinin təhsil haqqını dövlət ödəyir. TTKF almaq hüququ 56208 tələbədə o cümlədən, bakalavriat səviyyəsində 40465 tələbədə, magistratura səviyyəsində 5426 tələbədə, subbakalavriat səviyyəsində 10318 tələbədə yaranır” – deyə, o bildirib.
