“Bakı şəhərində tıxacların yaranmasının bir çox səbəbləri var. Bunlara tikinti özbaşınalığı, avtomobil yollarının, piyada səkilərinin və parklanma yerlərinin zəbt olunması aid etmək olar”. Bunu Elchi.az-a müsahibəsində nəqliyyat eksperti Eldəniz Cəfərov deyib.
O, ölkədə parklanma siyasətinin düzgün aparılmadığını vurğulayaraq qeyd edir:” Şəhər salma və arxeaktura qaydalarına görə yaşayış və qeyri yaşayış obyektləri parklanma yerləri olmalıdır. Lakin biz görürük ki, alış -veriş mərkəzlərin, klinika və xəstəxanaların belə parklanma yerləri yoxdur. Vətəndaşlar avtomobilləri yolun ortasında saxlayır. Onu da qeyd edək ki, vətəndaşların özlərinin də laqeydliyi və məsuliyyətsizliyi var. Ölkədə avtomobillərin böyük əksəriyyətinin Bakı şəhərində cəmləşməsindən onu deyə bilərik ki, şəhər əhalisinə nisbətən avtomobil çoxluq təşkil edir”.
Ekspertin sözlərinə görə köhnə və nasaz avtomobillər sıxlıq zamanı qəzaya düşməsi, tez-tez sıradan çıxması baş verir. Eyni zamanda ölkədə yol infrastrukturu yaxşı vəziyyətdə deyil. Xüsusən də Bakı şəhərində vaxtilə tikilən körpülər, tunellər hansı standartlara uyğun tikildiyi bilinmir”.
Havar Şəfiyeva
