ANS PRESS-in məlumatına görə, aksiya iştirakçıları prezident Serj Sərkisyanın iqamətgahı qarşısına getməyə cəhd göstəriblər. Polislər isə onların qarşısını kəsərək buna mane olublar. Aksiya iştirakçısı, deputat Aram Manukanyanla polis arasında kiçik dialoq olub. Deputat polisləri ölən əsgər valideynlərinə qarşı zor tətbiq etməkdən çəkinməyə çağırıb.

“Sabah o, (Serj Sərkisyan nəzərdə tutulur-red.) ölkədə olmayacaq, siz isə burada yaşayacaqsız. Sən bu gün elədiklərinə görə nə cavab verəcəksən? Sabah sizi bu kadrlara görə hakim qarşısına çıxaracaqlar”, – deyə erməni deputat bildirib.

Bundan sonra aksiya iştirakçıları İrəvanın Azadlıq meydanına gedərək burada aksiya keçiriblər.