OPEK-də konkret nəşrlərin jurnalistlərinə “qadağa qoyulmasının” səbəbləri izah edilməyib.
Üç böyük nəşrin (Reuters, Bloomberg və The Wall Street Journal) jurnalistləri OPEK-in 4 iyun 2023-cü ildə dövlət başçılarının görüşünün keçiriləcəyi Vyanadakı mənzil-qərargahına buraxılmayıb.
Elchi.az xəbər verir ki, bu barədə Britaniyanın “Financial Times” qəzeti mənbələrə istinadən məlumat yayıb.
Britaniyalı jurnalistlərin qeyri-adi qərar haqqında öyrənə bildikləri tək şey təşəbbüskarın adı olub. Məlum olub ki, OPEK Səudiyyə Ərəbistanının energetika naziri Əbdül Əziz bin Salman Əl Səudun təklifi ilə jurnalistləri içəri buraxmaqdan imtina edib. Eyni zamanda digər nəşrlər və agentliklər, o cümlədən “Financial Times” özü də görüşə dəvət alıb.
Xatırladaq ki, OPEC+ liderlərinin 2023-cü il iyunun 4-də keçiriləcək görüşü qlobal neft bazarının gələcək vektoruna həsr olunacaq. Bu görüşdə Rusiya Federasiyası da iştirak edəcək.
Nuranə Məmmədova
