Avropa İttifaqı Macarıstan və Polşanı qeyri-qanuni miqrantların bölüşdürülməsi ilə bağlı yeni qaydaları qəbul etməyə məcbur edərək, onlara qanuni şəkildə zor tətbiq edib.
Elchi.az RİA Novostiyə istinadən xəbər verir ki, bunu Macarıstanın baş naziri Viktor Orban İspaniyanın Qranada şəhərində keçirilən Avropa Siyasi Birliyinin sammitinin ikinci günündən əvvəl bildirib.
Onun sözlərinə görə, nə indi, nə də yaxın gələcəkdə Aİ ilə qeyri-leqal miqrantlar məsələsində güzəştə getmək şansı yoxdur.
Baş nazir onu da aydınlaşdırıb ki, son görüşdə Aİ liderləri Polşa və Macarıstanın etirazlarına baxmayaraq, sığınacaq axtaranların və miqrantların bölüşdürülməsinə yeni yanaşmanı tələb ediblər.
Bundan əvvəl Polşa prezidenti Anjey Duda bəyan edib ki, respublika həm də miqrantların ittifaq daxilində yerləşdirilməsini nəzərdə tutan Aİ-nin istənilən miqrasiya sazişinə qarşıdır. Onun sözlərinə görə, Polşa bu mövqeyini müdafiə etməyə davam edəcək.
Havar Şəfiyeva
