Novruz yeni gün deməkdir.Novruz,yeni ilin başlanğıcıdır.Adət ənənəyə görə,ilin ilk gününü necə qarşılasan,il boyu o əhval-ruhiyyədə olacaqsan.
Buna görə də ölkəmizin şəhər və rayonlarında bayram şənlikləri təşkil olunur. Belə şənliklərdən biri Bakının Nərimanov rayonunda, Azərbaycanın Milli Qəhrəmanı, şəhid Rafiq Nəsrəddinov adına 39 saylı tam orta məktəbdə taşkil olunmuşdu. Tədbiri məktəbin direktoru, Azərbaycanın Milli Qəhrəmanı, şəhid Şahlar Şükürovun bacısı Tahirə Şükürova açdı. O, Novruz bayramının düşmən tapdağından azad olunacaq Qarabağda qeyd olunmasını arzuladı. Məktəbin müəllimi Lalə xanım da pedoqoji kollektiv adından şagirdləri salamladı. Daha sonra məktəblilərin hazırladığı ədəbi-bədii kompozisiya nümayiş olundu. Məktəblilərdən Şamilə Şamilqızının, Fidan Əhmədlinin, Aytac Hüseynovanın, Solmaz Səfərəliyevanın, Rüfət Novruzovun, Həmid Hüseynovun, Nərmin Şixəliyevanın, Murad Qasımovun çıxışları tədbir iştirakçıları tərəfindən gurultulu alqışlarla qarşılandı.
Şamil Sabiroğlu,
“Ana harayı”qəzetinin baş redaktoru,
“Tərəqqi”medalının mükafatçısı
