Özbəkistan prezidentinin xanımı Ziroat Mirziyoyeva Fələstin-İsrail münaqişəsi tərəflərini Qəzza zolağında atəşi dərhal dayandırmağa, çətin vəziyyətə düşən insanlara humanitar yardım çatdırmaq imkanı yaratmağa, həmçinin münaqişəni həll etməyə çağırıb. Bunu birinci xanım Türkiyədə keçirilən “Fələstində sülh naminə birlikdə” sammitində çıxışı zamanı deyib. Elchi.az bu barədə “UzA” xəbər agentliyinə istinadən məlumat yayıb.
Ziroat Mirziyoyeva silahlı münaqişə nəticəsində həlak olanların ailələrinə və yaxınlarına dərin hüznlə başsağlığı verib.
“Biz Fələstin torpağında baş verən dəhşətli hadisələrə kənardan səssizcə baxa bilmərik”, – deyə Özbəkistanın birinci xanımı bildirib.
O qeyd edib ki, Qəzza zolağında bir aydan artıqdır ki, baş verən hadisələrə heç bir şəkildə haqq qazandırmaq olmaz.
Havar Şəfiyeva
