AMEA-nın Nəsimi adına Dilçilik İnstitutunda Özbəkistan alimləri ilə görüş olub. Elchi.az xəbər verir ki, görüşdə Özbəkistan Termez Dövlət Universitetinin Özbək filologiyası fakültəsinin müəllim və alim heyətləri iştirak ediblər.
Professor Nasirov Azmiddin Normomativiç, dosent Yuldaşov Narmat, dosent Maxsuda Raxmatovna, filologiya üzrə fəlsəfə doktoru Gözəl Hummatova, müəllim Xaitova Yulduz, Batir Haydoroviç, dosent Azmutaet Ofbotayev, Xurriya Xudoymuradova Dilçilik İnstitutunda olmaqlarından məmnunluğunu ifadə ediblər. Nasirov Azmiddin Normomativiç özbəklərin hər zaman Azərbaycan dilinə, ədəbiyyatına,mədəniyyətinə böyük maraq göstərdiyini vurğulayıb.
Görüşdə Termez Dövlət Universiteti ilə əlaqələrin genişləndirilməsi və birgə layihələrin həyata keçirilməsi sahəsində məsələlər müzakirə olunub. Dilçilik İnstitutunun baş direktoru professor Nadir Məmmədli Azərbaycan–özbək dilinə dair tədqiqatlardan danışıb. Professor bildirib ki, institutunda özbək dili ilə bağlı dissertasiya, kitablar yazılıb, danışıq kitabçası və lüğətlər çapa hazırlanıb.
Havar Şəfiyeva
