Pakistanın energetika nazirinin neft üzrə müavini Musadiq Məsud Malik bildirib ki, Rusiya İslamabada güzəştli xam neft və mazut tədarük etmək qərarına gəlib.
Elchi.az xəbər verir ki, milli mətbuatın məlumatına görə, neft və təbii qaz tədarükünü müzakirə etmək üçün ötən həftə Moskvaya gedən Malik paytaxt İslamabadda mətbuat konfransı keçirib.
Rusiyaya səfərinin gözlədiklərindən daha konstruktiv keçdiyini dilə gətirən Malik Rusiyanın Pakistana güzəştli xam neft və yanacaq verməyə qərar verdiyini açıqlayıb.
Moskvanın beynəlxalq təzyiqlərə görə kifayət qədər maye qaza (LNG) sahib olmadığını bildirən Malik, LNG ilə bağlı özəl rus şirkətləri ilə danışıqlara başladıqlarını bildirib.
İki ölkə arasında Pakistanda çəkilməsi planlaşdırılan təbii qaz kəməri layihələri ilə bağlı irəliləyişlərin olduğunu vurğulayan Malik, gələn ay Rusiyadan bir nümayəndə heyətinin İslamabada səfər edəcəyini qeyd edib.
Pakistanın 20 min ton LPG idxal etdiyini bildirən Malik, İranın qarşıdakı 10 gündə 2 milyon lirə dəyərində LPG tədarük edəcəyini bildirib.
Şayəstə
