Ermənistanın baş naziri Nikol Paşinyan qonşu dövlətlərlə, xüsusən də İranla münasibətlərə toxunub.
Elchi.az xəbər verir ki, Nikol Paşinyan Əl-Cəzirə telekanalına verdiyi müsahibədə Ermənistanın dörd ölkə ilə qonşu olduğunu, onlardan ikisi ilə çox yaxşı münasibətlərə malik olduqlarını qeyd edib.
Baş nazir həmin ölkələr kimi Gürcüstan və İranı nəzərdə tutduğunu vurğulayıb.
“İran bizim üçün dost ölkədir, Azərbaycanla da yaxşı münasibətləri var. Və biz Azərbaycanla yaxşı münasibətləri olan ölkələrlə də yaxşı münasibətlərə malik olmamaq fikrində deyilik. İndi bizim İranla çox sıx əlaqələrimiz var. Hazırda biz İran və Ermənistan arasında kommunikasiyaların inkişafı üzərində işləyirik, indi Şimal-Cənub adlı çox mühüm magistralın tikintisi ilə məşğul oluruq. Bu magistral Ermənistanı Gürcüstan və İranla əlaqələndirəcək. Ümid edirik ki, bu proqram nəticəsində İranla iqtisadi əlaqələrimiz daha da inkişaf edəcək. Yeri gəlmişkən, İranla azad ticarət sazişi imzalanıb ki, bu da bizim ikitərəfli münasibətlərimiz kontekstində çox vacibdir”, – Paşinyan bildirib.
