“ABŞ Çinin Kubada hərbi təlim mərkəzi yerləşdirmək istəməsindən narahatdır”.
Elchi.az BBC.com-a istinadən xəbər verir ki, bu barədə “Wall Street Journal” yazır.
Pekin və Havana birgə təlim mərkəzi yaratmaq üçün danışıqlar aparır. Qəzetin mənbələrinin verdiyi məlumata görə, bu planlar Vaşinqtonda təşvişə səbəb olub, çünki Çin ordusu Florida sahillərindən cəmi 100 mil aralıda yerləşdiriləcək.
Məqalədə deyilir: “Çin qoşunlarının Amerikanın astanasında görünməsi ehtimalı çoxalır”.
Qəzet ABŞ-ın müştərək hərbi mərkəz sazişinin bağlanmasına mane olmağa çalışdığını, hətta bu məsələ ilə bağlı Kuba hakimiyyəti ilə əlaqə saxladığını qeyd edib. Məlumdur ki, danışıqlar hələ başa çatmayıb, lakin indiki mərhələ üçün gündəmdədir.
Yeganə
