Amerikanın “General Dynamics Land Systems Inc” şirkəti Pentaqon ilə Abrams tanklarının texniki dəstəyi üçün 33,8 milyon dollarlıq müqavilə bağlayıb. Elchi.az xəbər verir ki, bu barədə ABŞ Müdafiə Nazirliyinin saytında məlumat verilib.
Departamentdən bildirilib ki, vəsait ABŞ Ordusunun 2023-cü maliyyə ili üçün büdcəsindən, eləcə də Ukrayna Silahlı Qüvvələrinə hərbi yardım fondlarından ayrılacaq.
İyulun 28-də “Politico” qəzeti mənbələrə istinadən yazıb ki, ABŞ bu ilin sentyabrında “Abrams” tanklarını Ukraynaya köçürməyə başlamağı planlaşdırır. Bundan əvvəl Amerika hakimiyyəti avadanlığın bir hissəsini modernləşdirmə üçün Almaniyaya göndərmək niyyətindədir.
ABŞ prezidenti Co Bayden yanvarın sonunda Ukraynaya 31 Abrams tankı tədarük etmək qərarını açıqlayıb.
Havar Şəfiyeva
