Rusiya Federasiyası Təhlükəsizlik Şurasının rəhbəri Pentaqonun bioloji proqramlarını açıqlayıb.
Elchi.az xəbər verir ki, Rusiya Təhlükəsizlik Şurasının katibi Nikolay Patruşev bildirib ki, Pentaqonun bioloji proqramları daha da təhlükəli “irqi yönümlü” virus ştammlarının yaradılmasına yönəldilə bilər.
Rusiya Federasiyası Təhlükəsizlik Şurasının rəhbəri belə bir bəyanatla cümə günü, iyunun 23-də Alma-Atada Mərkəzi Asiya və Rusiyanın təhlükəsizlik məsələlərinin müzakirə edildiyi iclasda çıxış edib.
“Biz regionda Pentaqonun nəzarət etdiyi bioloji proqramlardan narahatıq… Ukrayna təcrübəsi göstərir ki, onların demək olar ki, hamısı ikili məqsəd daşıyır və təhlükəli “irqi yönümlü” virus ştammlarının yaradılmasına yönəldilə bilər”, – deyə qurumun rəhbəri qeyd edib. Bu barədə Rusiya Federasiyasının Təhlükəsizlik Şurası məlumat yayıb.
Şayəstə Hüseynova
