ABŞ Müdafiə Nazirliyi ölkənin 2015-ci ilə dair milli hərbi strategiyasını açıqlayıb.
Virtualaz.org saytı xəbər verir ki, Pentaqon ölkənin üzləşdiyi əsas hərbi təhdid olaraq İŞİD-i və Rusiyanı göstərir. Sənəddə göstərilir ki, Moskva beynəlxalq normaları pozur və regional stabilliyə zərbə vurur. Hərçənd Rusiya narkotiklər və beynəlxalq terrorçuluqla mübarizəyə töhfə verib, ancaq eyni zamanda dəfələrlə nümayiş etdirib ki, öz məqsədlərinə çatmaq üçün hərbi güc tətbiq etməyə hazırdır.
Doğrudur, Pentaqon bildirir ki, hələlik Rusiya ABŞ-a birbaşa hərbi təhdid yaratmır, əsas təhdid İŞİD-dir. Bununla belə ABŞ Rusiyanın getdikcə artan təftişçi siyasətindən narahatdır. Pentaqon habelə İran, Şimali Koreya və Çinin də təftişçi siyasət yürütdüyünü, lakin həmin ölkələrin ABŞ-a hərbi təhdid yaratmadığını qeyd edir.
