Cənubi Amerika ölkəsi Peruda baş verən torpaq sürüşməsi məşhur turizm məkanı Maçu Pikçuya gedən yük qatarının relsdən çıxmasına səbəb olub.
Elchi.az xəbər verir ki, Perunun Andina xəbər agentliyində yer alan xəbərə görə, Ollantaytambo-Maçu Pikçu stansiyasında baş verən sürüşmə nəticəsində yük qatarı relsdən çıxıb və aşıb.
Dəmiryolu şirkətindən verilən açıqlamada çökmə səbəbilə qatarların hərəkətinin dayandırıldığı bildirilib və əlavə edilib: “İş qruplarımız xidmətləri normal vəziyyətə gətirmək üçün bölgəyə hərəkət etdi. Dəmir yolu xidmətlərinin dayandırıldığını diqqətinizə çatdırmalıyıq. dəmir yolunun bərpası və təmiri ilə əlaqədar müvəqqəti olaraq dayandırılıb”.
Qatarların hərəkətinin dayandırılması səbəbindən ölkənin sevimli turizm məkanı olan Maçu Pikçuya səfərlərin müvəqqəti mümkün olmayacağı bildirilib.
Gündə təxminən 3 min ilə 4 min adamın ziyarət etdiyi Machu Picchu həm Perunun, həm də Cənubi Amerikanın ən əhəmiyyətli turizm bölgələrindən biridir.
Nuranə Məmmədova
