Rusiya Federasiyası Prezidentinin mətbuat katibi Dmitri Peskov Böyük Britaniyanın müdafiə naziri Ben Uollesin Prezident Vladimir Putinlə bağlı açıqlamasına münasibət bildirib.
Elchi.az Rusiya KİV-lərinə istinadən xəbər verir ki, Kreml rəsmisi bu cür davranışları kobudluq adlandırıb.
“Təəssüf ki, burada həm şəxsi, həm də siyasi mədəniyyətin aşağı səviyyədə olduğunu görürük. Bu cür kobudluq ölkə siyasətinə kölgə salır”, – Peskov bildirib.
“Bu nazir, təəssüf ki, yenə də aqressiv mədəniyyətsizliyində tək deyil. Biz onun kimi başqalarını görürük. Problemləri həll edə bilmirlər. Onlar ancaq poblem yaradırlar”, – Kreml sözçüsü bildirib.
Qeyd edək ki, Ben Uolles Putinin ünvanına “kiçik adam sindromu yaşayır”, deyib.
