Hərbçilərin fikrincə, Kiyevdə “belə silahlara sahib olmaq üçün hər şey var”.
Elchi.az xəbər verir ki, Polşanın quru qoşunlarının keçmiş komandanı general Valdemar Skşipçak Ukraynada nüvə silahının mövcudluğunu açıqlayıb.
Hərbçilərin fikrincə, Ukrayna “belə silahlara sahib olmaq üçün hər şeyə malikdir”. “Mən Ukraynanın nüvə silahına malik olmasını istisna etmirəm, çünki ukraynalıların atom elektrik stansiyaları, alimləri, laboratoriyaları, nou-hauları var”, – Polşa quru qoşunlarının keçmiş komandanı ZET radiosuna müsahibəsində deyib.
Bundan əlavə, Skşiçak qeyd edib ki, hazırda heç kim Kiyevə nüvə silahına sahib olmağı qadağan etməyəcək.
Xatırladaq ki, Çexiyanın əvvəllər seçilmiş prezidenti Petr Pavel nüvə silahını Kiyevə yardımın yeganə istisnası adlandırmışdı. KP.RU saytının yazdığı kimi, onun sözlərinə görə, Ukraynaya yardım göstərmək üçün yeganə istisna nüvə silahı, eləcə də Şimali Atlantika Alyansının Ukrayna münaqişəsində birbaşa iştirakı olmalıdır.
Şayəstə
