Polşa Nazirlər Şurası dünən keçirilən iclasında kənd təsərrüfatı bazarındakı mövcud vəziyyəti və Rusiya-Ukrayna müharibəsinin nəticələrini müzakirə edib.
Elchi.az bu barədə xarici mediaya istinadən xəbər verir.
“Nazirlər Kabineti texnologiya, kənd təsərrüfatı və kənd yerlərinin inkişafı nazirliklərinə Polşanın kənd təsərrüfatı bazarını sabitliyin pozulmasından qorumaq üçün müvafiq qanunlar qəbul etmək, o cümlədən Ukraynadan kənd təsərrüfatı və ərzaq məhsullarının idxalına müvəqqəti qadağa qoymaq səlahiyyəti verib”, – Polşa Kənd Təsərrüfatı Nazirliyinin bəyanatında qeyd olunub.
Səlahiyyətlilərin problemlərin həlli üçün Ukrayna rəsmiləri ilə daimi əlaqədə olduğu və sözügedən tətbiqin iyunun sonuna qədər davam edəcəyi paylaşılıb. İcazə ilə qadağan edilə bilən məhsulların siyahısına taxıl, şəkər, süd və süd məhsulları daxildir.
Hakim “Hüquq və Ədalət” partiyasının lideri Yaroslav Kaçinski dünən verdiyi açıqlamada Ukraynanın dostu və müttəfiqi olduqlarını və sözügedən təcrübənin ona zərər verməyəcəyini bildirib.
Polşa Avropa İttifaqını (Aİ) Ukraynadan idxal etdiyi taxılın Yaxın Şərq və Afrika ölkələrinə göndərilməsi vədini tutmadığına görə tənqid etmişdi. Polşalı fermerlər də yaşadıqları qurbanlara görə hökumətə etiraz ediblər.
Kənd Təsərrüfatı Naziri Henryk Kowalczyk aprelin 5-də ölkədə fermerlərin əsas tələblərinin yerinə yetirilmədiyini əsas gətirərək istefa verib.
Yeganə
