Polşanın baş naziri Mateuş Moravetski parlament seçkilərindən sonra bütün kabineti ilə birlikdə istefa verib. Elchi.az xəbər verir ki, bu barədə RİA Novosti məlumat yayıb.
“Parlament adətinə uyğun olaraq, mən istefaya getmək istəyirəm” – deyə o, ilk iclasında bildirilib.
Bildirilir ki, hakim “Hüquq və ədalət” partiyası parlament çoxluğuna malik olmadığından və təkbaşına çoxluq təşkil edə bilməyəcəyindən Polşa prezidenti Anjey Duda yeni hökuməti formalaşdırmaq səlahiyyətlərini bu gün Moravetskiyə verəcək.
Bundan əvvəl Vətəndaş Koalisiyasının rəhbəri, Polşanın keçmiş baş naziri və Avropa Şurasının keçmiş sədri Donald Tusk bəyan etmişdi ki, Polşada üç müxalifət birliyi – Vətəndaş Koalisiyası, Üçüncü Yol və Sol partiyalar koalisiya sazişi imzalayıblar. Müxalifətin uğur qazanacağı təqdirdə Tuskun ölkənin baş naziri postuna namizədliyini irəli sürəcəyi qeyd edilir.
Havar Şəfiyeva
