Polşa hökuməti Krakovda 1919-1921-ci illərdə həlk olmuş qırmızılara abidə ucaltmaqdan imtina edib.
Axar.az RİA Novosti-yə istinadla bildirir ki, bu barədə Rusiya hərbi-tarixi cəmiyyətinin nümayəndəsi məlumat verib.
Krakovda Rakovitsk qəbiristanlığında sovet-Polşa münaribəsi illərində həbs düşərgələrində həlak olmuş 1200-dən çox Qırmızı ordu əsgərinin qəbri var. RHTC onlara abidə ucaldılması təşəbbüsü ilə çıxış edib və Rusiya diplomatik missiyası da bu ideyanı dəstəkləyib.
“Rusiya Federasiyasının Varşavadakı səfirinin adına imtina məktubu gəlib”, – RHTC-dən qeyd ediblər. Polşa Mübarizə və şəhid abidələrinin mühafizəsi şurasından göndərilən məktubda bildirilir ki, Polşa voyevodalığının voyevodu “Rusiya Federasiyasının səfirinin müraciətinə müsbət cavab verə bilməz”.
“Cənab voyevoda qərarını əsaslandırarkən bir məsələyə xüsusi diqqət cəlb edib ki, yuxarıda adı çəkilən qəbiristanlığın 71-ci bölməsində memorialın yaradılması nəzərdə tutulan yer tarixi abidələrin reyestrinə daxil edilmiş hissədə yerləşir və bundan əlavə orada faktiki olaraq təkcə Qırmızı ordu döyüşçüləri deyil, müxtəlif millətlərin vətəndaşları və əsgərləri də dəfn ediliblər”.
